आबुधाबीमा स्थानीय क्लबहरुसंग प्रतिस्पर्धा गर्दै नेपाली भलिबल खेलाडीहरु

Share

आज  यूएई समय अनुसार राति ११ बजे आर्मी अफिसर क्लब आबुधाबीमा नेपाली टिमको  दोश्रो खेल हुदै

nepali vollyball team abu dhabiनवराज बस्नेत,आबुधाबी, जुन  २४ – यूएईको अबुधाबीस्थित आर्मी अफिसर क्लबको आयोजनामा २३ जुनबाट सुरु भएको भलिबल खेलमा नेपाली टिमको सहभागिता रहेको छ ।

यूएईमा नेपालीको कुनै क्लब तथा संघ-सस्था बिधिवत रुपमा दर्ता नभएको हुँदा नेपाली खेलाडीहरु यूएईको मरिना क्लबमा आबद्ध भएर खेल्दै छन् ।  उक्त खेलमा १२ जना नेपाली खेलाडीले नाम दर्ता गरेका छन् ।

पुर्व भलिबल खेलाडी दान बहादुर जी.सी. प्रशिक्षक रहेको टिममा नेपाल प्रहरीका पुर्व खेलाडी प्रेम भण्डारीले कप्तानी सम्हालेका छन् ।  झोम थापा, ईश्वर धमाल, प्रेम शाही, प्रताब खवास, ज्ञान मल्ल, सन्तोष गुरुङ, बम थापा, थमन शर्मा, राजु हमाल, अमर राज गीरी र नरेश चन्द को टिम रहेको छ ।

सात टिमको सहभागीता रहेको उक्त प्रतिस्पर्धामा दुइ ग्रुप बनाईएको छ  ।  नेपाली टोलि ग्रुप “बी” मा परेको छ ।  ग्रुप “ए” मा ४ टिम र ग्रुप “बी” मा ३ टिम रहेका छन् ।  मंगलवार  भएको खेलमा नेपाली टिमले प्यालेस्टाइन टिमलाई सोझो सेटमा २६-२४ र २५-२० ले हराएका थिए ।

nepali vollyball team abu dhabi 1आज यूएई समय अनुसार रातिको ११ बजे सोहि स्थानमा नेपाली टिमको  दोश्रो खेल हुदैछ ।  यदि आज हुने  खेल  जितेको खण्डमा नेपाली समुह बिजेताको रुप्मा सेमीफाइनलको लागी चुनिने छ ।  उक्त खेलको प्रथम हुने टिमले एक लाख ५० हजार दिर्हाम , द्वितीयले एक लाख र तृतीय हुने टिमले ४० हजार युएई दिर्हाम पाउने छन् ।

प्रवेश नि:शुल्क रहेको हुँदा युएईमा रहेका खेलप्रेमी नेपालीहरु सहज रुपमा सहभागी हुन सक्नेछन् ।  नेपालीको उपस्थितिले नेपाली खेलाडीलाई हौसला प्रदान गर्नेछ ।

One response to “आबुधाबीमा स्थानीय क्लबहरुसंग प्रतिस्पर्धा गर्दै नेपाली भलिबल खेलाडीहरु

प्रतिकृया दिनुहोस्

(अनिवार्य)

This site uses Akismet to reduce spam. Learn how your comment data is processed.